De viva voz

‘Os xitanos cesteiros’

El escritor Manuel Rivas.

Manuel Rivas

Manuel Rivas recita 'Os xitanos cesteiros'. Música de berimbau de Sol Mariño.

Eran familia. Antonio Camacho Montoya, de 45 años, casado y con ocho hijos. Su sobrino, Antonio Montoya Camacho tenía 16 años. Y 14 años tenía el tercero, Manuel Jiménez Montoya. Vecinos de A Coruña, fueron asesinados el 30 de septiembre de 1936 por una “brigada de la noche”. El crimen nunca fue investigado. Están enterrados en Santa Eulalia de Liáns, cerca del mar. En el límite del cementerio. En tierra de nadie. Eran gitanos, de oficio canasteros. Os xitanos cesteiros

Hai un son en Liáns.

E u é?

Son os pés que non queren pisar.

E u é?

Son as follas que caen

no oco da guitarra.

Son os nenos

que piden un biscallo azul de azahar.

E u é?

Son os anxos

que chían polo buraco das balas,

polo envés do matar.

E u é?

Son as follas a pousar nos nomes,

a facer un chamizo para os nomes,

a vendar as mans dos nomes.

E u é?

É a brima da brimba na brimbeira.

E u é?

O xeito de facer un cesto, un paxe, a patela.

E u é?

Os vimbios a cimbrar os rinchos

dos círculos roubados.

E u é?

O son de todo o que os cestos levaron.

E u é?

É o andar das nais das cousas

a apañar

os círculos primeiros.

O sol, a lúa, a boca, o froito,

o pan, a danza.

O almeiro do cesto.

E u é?

E u é a póla do baleiro,

o niño trenzado da ave do soño.

O xeito,

o xeito de facer o cesto.

Antonio Camacho Montoya

Antonio Montoya Camacho

Manuel Jiménez Montoya

o xeito

o xeito de facer un cesto

Jimenez Camacho Manuel Montoya Antonio Camacho Jiménez Camacho Antonio Montoya Montoya Montoya Jiménez Jiménez Camacho Camacho Camacho Antonio Antonio Antonio Manuel Antonio

Camacho

Jiménez

Montoya

E u é?

Non ha ho

E u é?

Non ha ho

E u é?

Non

ha

ho!

De A boca da terra (Xerais, 2015)

Música de berimbau de Sol Mariño

*Manuel Rivas es escritor. Su último libro es 'El último día de terranova' (Alfaguara, 2015).

Manuel RivasEl último día de terranova

Más sobre este tema
stats